التخطي إلى المحتوى

قامت الفنانة سلوى خطاب بالتعبير عن رأيها في الزواج وأسباب نجاحه وفشله، وهذا حدث خلال استضافتها في برنامج كلام الناس الذي يبث على شاشة قناة إم بي سي مصر، وهو الذي تقدمه الإعلامية ياسمين عز.

انتقاد سلوى خطاب  لياسمين عز

واحرجت الفنانة سلوى خطاب الإعلامية ياسمين عز التي تقدم البرنامج بسبب الآراء الخاصة بها حول الرجال والمرأة التي تثير الجدل الكبير  بين بعض المشاهدين، وقالت لها “كان عندي واحدة صاحبتي آراءها، زي آرائك كده، بس التانية كانت بتتكلم عن الحقوق والمرأة والجو ده، هي عكسك يعني، بس هي يعني ليها آراء، ما هو كل واحد ليه آراء متطرفة، كنت بقولها، أنا بس هستني أشوفك لما تتجوزي، وأشوفك وانت متجرجرة في الريسبشن من شعرك، عشان تبقى تقولي لي الكلام اللي انت بتقوليه ده؟، وحصل وتجرجرت من شعرها”.

رأي سلوى خطاب في الجواز

وكشفت سلوى خطاب عن رأيها في الزواج، قائلة “دي تهيؤهاتي وفكرتي عن الجواز، أنا منجحتش قوي أنا تطلقت عادي يعني، أنا ضد المواعظ والنصائح، لإن الجواز بالذات كل حالة قائمة بذاتها، لازم نعمل دراسة حالة 40 مليون جواز مثلا في مصر، منقدرش نعممها، أو نقول أصل لازم يحصل كذا، مش هيحصل كذا ده”.

واستكملت قائلة “هي شركة، كلنا بنتعب في حياتنا والحياة محتاجة مجهود، الطرفين لازم يبذلوا مجهود برضا، لأن طالما بيبذل مجهود بيكون عايز ينجح الحياة دي، لإن فيها رفقة، ممكن متبقاش باينة في الأول، لكن بعد كده لما الناس بتصبر، ولادهم، وهم كمان عايشين مع بعض، لو كل واحد فيهم فكر إن كل ده للمستقبل، افتكر إن في مشاكل كتير هتتحل، متهيألي”.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *